【明報專訊】抗疫戰下，政府呼籲市民減少社交接觸，幾乎所有文化藝術活動暫停，不過，足不出戶都可以喺民政事務局facebook上觀賞文藝創作。民政局近日fb上載咗多媒體跨界音樂會《禾．日．水．巷》團隊創作嘅全新章節，以充滿電影感嘅音樂，配上以香港最新文化地標同城市景觀創作嘅影像，帶觀眾浪遊於不一樣嘅香港。作曲家林丰同Emily講，概念係希望畀大家從不同角度睇到自己熟悉嘅香港。 音樂注電影感 浪遊新文化地標 《禾．日．水．巷》2015年首演，2017年作世界巡演，由頂尖作曲家林丰、爵士樂手張駿豪同建築師黎智禮構思及創作。片段中唔少影像係將香港嘅文化地標，如戲曲中心、重新裝修過後嘅藝術館，以對稱等方式呈現。林丰話，呢個新版本係用兩首樂曲串連，初段比較抒情，後段畫面城市運作影像較多，音樂都開始變得較激昂，佢話係被「後搖滾」樂種所啟發而創作。
|
| |
| |
;){kind=small}
;)
