【Emily】黃金寶父子跳Baby Shark 籲運動抗疫
[2020.02.13] 發表
【明報專訊】疫情持續，市民盡量都減少外出。教育大學健康與體育學系同香港學校體育學會合作，搵咗10名教大精英運動員及畢業生，拍攝一系列簡易運動教學短片，鼓勵市民喺屋企跟住做，齊齊運動抗疫。
拍片嘅包括曾奪3屆亞運金牌單車好手黃金寶同4歲囝囝卓謙，佢哋聽住兒歌Baby Shark一齊做活力操、原地跑、簡單拋波等，兩父子都玩得好開心。前世界單車冠軍郭灝霆就搵嚟愛犬「客串」，手抱愛犬做sit-up，重複高舉愛犬練臂力。
教大健康與體育學系主任馬慧頴話，做運動唔一定要去運動場、上健身室，喺屋企做一啲簡單伸展同柔軟體操都得。全部片段已上載YouTube(其中黃金寶活力操片段網址為：https://bit.ly/2HeBM13)。
更多港聞
相關新聞
