【Emily】長康邨疏散 警full gear自拍 回應：傳媒聯絡隊作記錄之用

噚日凌晨青衣長康邨康美樓部分住戶要緊急疏散檢疫，有著住全身白色保護衣嘅警員到場協助，但就被發現執勤時自拍（箭嘴示）。有網民批評有關警員唔專業，又浪費防疫裝備。（now新聞直播片段截圖）

【明報專訊】青衣長康邨康美樓證實確診唔止一宗新型肺炎個案，當局非常緊張，噚日凌晨要緊急疏散住戶。大批警員到場協助，有部分人著全身白色保護衣，由頭包到落腳。但有網民睇過新聞直播片段時發現，有幾個警員full gear上陣後用手機自拍，有網民批評有關警員掛住影相，浪費防疫裝備，反而前線醫護人員只係著半透明藍色PPE保護衣，企到最前工作，都無警察用嘅咁高級。

被指裝備高級過前線醫護

被問警員拎手機自拍，咁樣做會唔會令病毒殘留喺手機度、涉事警察會唔會有感染風險，衛生防護中心總監黃加慶就無正面回應有關警察嘅表現。佢話已經有訂立指引，又話如果著住個人防護裝備，應該要盡量避免有可能污染到其他個人裝備，同避免觸碰到其他嘢。

政府fb：按守則穿防護衣

政府透過facebook專頁「添馬台」幫警隊講好說話，話坊間有人單憑一兩張相片便斷言警務人員「錫身」，又話警員執勤時嘅裝備有守則參考，而噚晚著白色防護衣嘅警員，係負責進入康美樓協助疏散部分唔願離開嘅居民，話因為考慮到可能嘅近距離接觸，所以按守則穿上防護衣。

對於各界嘅質疑，警方如此回應Emily：「警方派出傳媒聯絡隊到現場協調傳媒進行採訪，傳媒聯絡隊成員亦有拍攝現場警務人員的工作情况以作記錄之用。」

更多港聞

【Emily】眾志10萬口罩 未派先死官網

【明報專訊】近日全港都鬧口罩荒，香港眾志喺美國採購10萬個口罩，並已運抵香港。秘書長黃之鋒話，呢批口罩部分會交畀友好嘅民主派區議員，以協助有... 詳情

【Emily】工聯會不改「家規」 陸頌雄冇得連任勞工界

【明報專訊】立法會9月舉行換屆選舉，唔同政黨都做緊內部遴選。工聯會多年來穩奪勞工界兩席，佢哋亦展開咗內部初選。據悉，工聯會堅守「家規」——勞... 詳情

【Emily】深水埗區會通過設連儂牆

【明報專訊】武漢肺炎疫情嚴峻，民政事務總署目前拒絕提供區議會秘書處服務，但好多區議會都決定自行開會以示無秘書處都可以做到嘢。深水埗區議會噚日... 詳情

【Emily】侯強派罩五千 部分留畀村民

【明報專訊】全城鬧口罩荒，上水鄉委會主席侯志強（左）噚日就喺上水鄉委會免費派5000多個口罩，原本中午12點派籌，市民可以憑身分證換6個口罩... 詳情

書與人生：佛系廢青應急手冊

【明報專訊】「考試考成點？」、「入大學會揀咩科？」、「讀書辛唔辛苦啊？」…… 早前農曆新年假期，大家最開心的當然是跟親戚團聚——後收到... 詳情