【Emily】民主黨立選黨內初選 袁海文挑戰黃碧雲
[2020.01.16] 發表
【明報專訊】立法會選舉9月舉行，民主黨黨內初選噚日截止報名，名單無咩大驚喜，該黨現任7個立法會議員都有報名參加初選，換言之佢哋好大機會競逐連任。黨內初選唯一出現競爭嘅係深水埗區議員袁海文報名參加初選，挑戰現任九龍西立法會議員黃碧雲。民主黨將透過一系列甄選程序決定最終參選名單。
其他區無驚喜
民主黨嘅整體選舉部署唔會大變，目前黨內主流意見都希望維持直選派5隊、超級區議會派兩隊。民主派喺區議會大勝後，有聲音建議民主黨涂謹申轉戰區議會(第一)功能界別議席(下稱「區一」，由區議員互選產生)，確保阿涂可以繼續成為立法會中最資深議員。不過，根據民主黨嘅初選名單，阿涂已經報名參加黨內超級區議會初選，意味佢轉戰區一機率不大。
民主黨初選分為3個評分準則，民調佔六成，地區支部和區議員投票嘅結果各佔兩成，預料民主黨會喺4月或5月公布最終參選名單。
倡預算案設清理催淚彈殘餘基金
另一方面，民主黨噚日提出財政預算案建議，重申政治問題必須政治解決，因此重點建議新一份預算案必須回應市民對於重組警隊、阻止警察濫捕嘅訴求，指喺重組警隊嘅前提下，要縮減警隊編制，改變警隊「擔當鷹犬爪牙嘅政治工具角色」，畀警隊重新承擔「服務為本」，並設立5億元「催淚彈殘餘物檢測及清理基金」，畀學者及機構申請。民主黨亦提出，政府向全港720多萬名居民派發1萬元。
更多港聞
【Emily】連登仔問家屬有無美護照 美芬：全家中國人
【明報專訊】潮流興上連登，連經民聯立法會議員梁美芬都睇埋一份。繼早前點名讚揚連登仔有「清醒嘅人」之後，梁美芬拍片「你問我答」，回應連登仔嘅提... 詳情
【Emily】融合青衣島特色 舊球場變「長亨主場」
【明報專訊】唔少後生仔女鍾意打籃球，但部分公共籃球場日漸殘舊。房地產私募基金基滙資本成立嘅「民坊」，最近同本地社區營造工作室「一口舍群」合作... 詳情
【Emily】新渡輪20歲 App抽獎送一年月票
【明報專訊】最近流行搞「大抽獎」，適逢20周年嘅新渡輪亦唔執輸，推出「免費月票大放送」活動，所有購買2019年12月、2020年1月同2月份... 詳情
【明報專訊】城市大學昨公布2020/21學年新彈性收生安排。目前城大9個學院收生分數要求不同，例如獸醫學要求4個核心科（中、英、數及通識）達...
詳情
相關新聞
