【Emily】未選九龍城區議會主席 建制先動議不信任
[2020.01.10] 發表
【明報專訊】九龍城區議會噚日首度開會，喺民主派佔多數下，選出民主黨蕭亮聲、獨立鄺葆賢做正、副主席。但變成議會少數嘅建制派戰力十足，自由黨何顯明喺主席選舉開始前，就話要對蕭亮聲提不信任動議；到會議尾聲，多名建制派因不滿蕭亮聲批准鄺葆賢讀出口頭聲明，離席抗議。
建制派由上屆區議會正、副主席潘國華、左匯雄挑戰蕭亮聲同鄺葆賢，均告落敗。選主席期間，屬建制派嘅區議員楊永杰就話要提名民主黨黃國桐，話知黃有意選主席、不甘輸畀大專學歷嘅蕭亮聲。民政事務專員郭偉勳話已截止提名故拒絕，黃國桐亦話明拒做主席。楊永杰之後多次提出規程問題，一度話要罷免主席。
話冷氣凍要食藥 要求快啲完會
何顯明喺投票前就話要提不信任動議，郭偉勳話可以用選票反映。選出主席後，何顯明又以佢舉手發言、但蕭亮聲畀其他人發言先為由，批評蕭「大細超」，再話要提不信任動議。佢又要求快啲完會，話冷氣凍、佢唔舒服要食藥。蕭亮聲提出休會處理議程爭議時，民主黨任國棟不點名話「畀啲要食藥嘅人食藥啦」。
鄺葆賢讀反修例聲明 建制派離場
鄺葆賢喺會上要求讀出反修例相關嘅口頭聲明，建制派提多項規程問題，蕭亮聲批准鄺讀聲明，多名建制派離席抗議。
鄺葆賢讀出聲明時一度哽咽，眾人為反修例事件中受傷、失去生命嘅市民默哀，何顯明就高舉紙牌，話係為台灣殺人案死者潘曉穎、同市民擲磚期間受傷逝世嘅羅伯默哀。
更多港聞
【Emily】自製路牌收起 ?敗選區議員話成功監察
【明報專訊】建制派喺區選落敗後成立「議會監察」，強調要監察各區區議員，擦出唔少火花。Emily日前提過，中西區區議員黃永志（Napo）出po... 詳情
【明報專訊】近期旅客大減市道淡靜，兩大主題樂園都唔能夠坐以待斃，噚日分別推出港人專享優惠吸客。海洋公園話為咗慶祝開業43周年，今日起至3月3...
詳情
【明報專訊】現時公屋輪候時間高處未算高，facebook專頁「專業清算師」噚日發帖文，話團隊早前連續10日派出「清算專員」，每晚8點拍攝同一...
詳情
相關新聞
