【明報專訊】天氣轉涼，唔少社團、工會近期都舉辦蛇宴聯誼。教協亦定咗喺明年1月4日(周六)辦蛇宴，啱啱開始宣傳賣飛。不過，有別於2018年，今次蛇宴規模大減，由筵開百席縮水至30幾圍，開餐時間更由夜晚改為食午餐。 教協無辦蛇宴多年，喺2018年12月復辦，估唔到反應出奇踴躍，出宣傳後一星期內已經爆滿，所以一早計劃再辦，但因為反修例運動，早前有交通等問題，所以推遲到1月先搞。教協中人同Emily講，今次改為食午餐，唔知反應會唔會唔同，但認為唔少參加者可能係退休教師，大家早少少食完，搭車返屋企會方便啲，因為無法估計到時社區會否有抗爭活動。 無錢賺 每圍$3120 教協蛇宴收費唔算特別平，每位270元，包枱3120元。教協中人就話，教協辦活動無收資助，所以難做到平價蛇齋餅糉，而呢個價錢都算實惠，教協無錢賺嘅。至於工聯會等工會團體，近期都有搞蛇宴，聞說都好受歡迎，場面熱鬧。
|
| |
| |
;)
