【明報專訊】區議會有多名無政黨人士當選，唔少人都傾向以聯盟模式運作，好似沙田區議員麥潤培，以及候任區議員許立燊、鍾禮謙同鄭仲恒(Osman)等人，就組成社區壓力團體「馬鞍山守護線」，簡稱「山守線」，亦已全票通過由Osman喺上任後競逐沙田區議會副主席。 「山守線」將由錦濤區議員許立燊任主席，出任司庫嘅Osman話，未來聯盟將會合辦活動、共享資源同齊齊做地區工作；部分人亦有可能合租辦事處。Osman話，雖然沙田唔少區議員嘅資歷、輩分都高過佢，但有人都認為副主席可以畀新血出任，佢認為自己參選都OK，但都要聽多啲其他人嘅意見。 「山守線」除咗4名候任區議員外，另外兩個名字大家可能較少見，分別係召集人蘇艷梨(沙沙)，以及總幹事蘇泳儀。許立燊同Emily講，蘇泳儀係非常有經驗嘅議員助理，而沙沙本身有意出戰錦濤區，但雙方協調後就由許披甲，所以沙沙就類似「副區議員」，兩人會拍住上做區，齊上齊落咁話。
|
| |
| |
;){kind=small}
;)
