【明報專訊】浸會大學政治及國際關係學系副教授、公民黨陳家洛近日去咗歐洲，應邀參加歐盟資助機構舉辦嘅學術研討會，探討歐盟與其他國家發展多邊主義嘅前景。 會議喺比利時布魯塞爾舉行，呢類交流會通常係學者參加，但家洛話，活動有北京駐比利時嘅外交官員嚟湊熱鬧「全程監場」，仲同佢辯論。 家洛話前晚應邀發布報告，佢向歐洲專家講解「有中國特色」嘅多邊主義，實質係借「國際秩序民主化」嘅口號，顛覆維護民主自由等普世價值嘅國際組織，搞「中共中心主義」，喺歐洲大玩分而治之。 家洛同Emily講，席間有講述香港近期發生嘅反修例運動，佢話外交部官員發言，話香港「一國兩制成功落實」，又話中國負起咗國際社會責任。家洛話佢梗係唔客氣反駁，話「上星期(11月24日)區議會選舉香港人已經告訴全世界，真相是我們很不滿！」
|
| |
| |
;)
