【Emily】祝賀「何已完」 街坊開香檳

雙料議員何君堯區選落馬，隨即有大批市民聚集點票中心外開香檳慶祝，歡呼聲響徹附近屋苑。（林靄怡攝）

有市民前晚深夜到何君堯辦事處「慶祝」佢落選，並用手機展示何議員嘅黑白大頭相，點煙同灑酒，諷刺何議員區議員生涯從此「已完」。（林靄怡攝）

【明報專訊】民主派喺區議會選舉擊敗建制派，奪得17個區議會控制權。曾聲言唔會被嚇怕、唔會屈服嘅立法會議員何君堯連任區會失敗，被戲稱為「何已完」，前晚無現身票站嘅佢，率先喺網上承認敗選，隨即有大批市民喺街上開香檳慶祝，歡呼聲傳遍鄰近屋苑。

何君堯：將佢哋變祥和

何君堯競逐連任屯門樂翠選區，以超過1200票之差被民主黨盧俊宇擊敗。佢前晚無現身投票站，但就喺公布投票結果之前，喺facebook宣布自己敗選，形容投票結果「翻天覆地」同「異常」。旋即有大批網民留言，例如「我真係恭喜你呀」、「好感動，真係天有眼」，又揶揄佢嘅區議員生涯已完結，稱呼佢為「何已完」。

票站公布投票結果後，大批人聚集歡呼，有人開香檳慶祝；歡呼聲劃破深夜嘅寧靜，居於美樂花園嘅住戶都聽到。何君堯後來更新fb帖文，話非常感動反對派排山倒海恭喜佢，能夠將佢哋嘅暴戾變為祥和，都唔係壞事。

噚日網傳有餐廳以42元優惠價提供「何已完飯」，送熱飲或凍飲，不過食客要「手執一葉」先可以用優惠。Emily打去光榮冰室求證，職員話係老闆諗出嚟嘅優惠，「何已完飯」係餐肉、火腿之類嘅碟頭飯，原價56元，𠵱家有七五折優惠。

噚日中午亦有過百人喺中環畢打街聚集同開香檳，慶祝民主派大勝，其間喺區選全軍覆沒嘅新民黨，主席葉劉淑儀出現，即被包圍喝倒彩，有人做拇指向下手勢，最後佢要由防暴警察護送搭的士離開。葉太後來解釋，話自己牙痛要去中環睇牙醫，點知遇到大批「和理Lunch」參加者。

更多港聞

【Emily】泛民老將出征「白區」紛報捷

【明報專訊】今屆區選最大特色係每區都有競爭，民主派多名「老將」出征，喺多個「白區」當選。當中年屆70歲、一直喺反修例運動協助被捕者嘅民主黨黃... 詳情

【Emily】馮檢基三連敗 黃成智按金沒收

【明報專訊】今屆區議會選舉罕有出現「區區有競爭」，當中民主派多名老將捲土重來，有人成功收復失地，例如陳樹英重奪屯門兆康席位，但立法會前議員馮... 詳情

【Emily】鄭則文譚香文成票王票后

【明報專訊】喺投票率新高下，區選候選人票數大增，咁票王、票后係邊個呢？Emily睇過，票王係77歲、出戰沙田恒安選區嘅民主黨元老鄭則文，佢取... 詳情

【Emily】泛民「黑仔王」莊榮輝5戰5敗

【明報專訊】唔少政治素人初試啼聲就成功當選，但亦有候選人屢敗屢戰、屢戰屢敗，有「地獄黑仔王」之稱嘅民主黨中委莊榮輝，自2003年起一直參選區... 詳情

【Emily】留守理大不拉票 記者當選

【明報專訊】網媒米報記者梁柏堅成為區選民主派贏家之一，出戰灣仔大佛口選區，以1723票擊敗爭取連任嘅民建聯李均頤。但選舉當日，佢無好似其他候... 詳情