【Emily】憶掌學生會時 梁美芬「好激但唔用暴力」
[2019.11.15] 發表
【明報專訊】警察與示威者、學生日前喺中文大學「二號橋」發生衝突，校園多處烽煙四起，Emily問過幾個喺建制陣營嘅中大校友點睇，經民聯梁美芬、民建聯陳克勤都話難過，前者認為學生行錯路，後者話政府要攞出辦法令衝突停止，好過只係將責任交畀校長。工聯會麥美娟話佢喺中大度過咗人生最開心嘅4年，同樣好愛學生、校園，又話既然愛中大就唔好畀暴徒走入去，利用呢個地方破壞。
梁美芬曾任中大聯合書院學生會會長，佢話明白中大好多學生一直都係走到社會前線、倡議改革，又話自己做學生會會長時都好激，但唔會用暴力解決問題。佢話唔會返去同中大學生傾偈，因為現時冇氣氛；又認為年輕人仲有好多前途，如果從政嘅路想愈行愈闊，就唔好泥足深陷。
政治與行政學系畢業嘅陳克勤話，大學好多設施被破壞，佢都唔想見到咁多同學仔受傷；希望政府攞出辦法令衝突停止，好過只係將責任交畀校長，因為問題未必係校長可以處理到。英文系畢業嘅麥美娟話，社會上有好多人話愛錫、關顧同學，愛同學應該勸佢哋同非法行為割席。
更多港聞
【Emily】宣傳單張講地區工作 新民黨候選人：街坊跌倒助叫白車
【明報專訊】區議會選舉臨近，各候選人盡力拉票、向街坊展現自己最好嘅一面。出戰沙田富龍選區嘅新民黨廖子聰最近向街坊介紹自己嘅地區工作成績時，提... 詳情
【明報專訊】社會持續出現衝突，唔少活動因此取消，公益金噚日宣布，因應現時社會狀况同預期交通情况，取消原定後日（17號）舉行嘅「新界區百萬行—...
詳情
司徒華獎新晉教師 領自閉生英語朗誦取佳績：「學生如花朵」 早開遲開終將盛放
【明報專訊】獲第八屆司徒華獎「新晉教師」獎項的許詩蘊，讀中學時沒想過當教師，未料長大後走入課室培育莘莘學子。起初入行或因樣子年輕，許詩蘊遇過... 詳情相關新聞
