【Emily】建制議員鬧港台偏頗 梁家榮：烽煙受訪者建制派較多
[2019.10.30] 發表
【明報專訊】建制派不時質疑香港電台立場偏頗，噚日立法會資訊科技及廣播事務委員會開會時，建制派議員提出相關質疑，有議員建議，港台節目諷刺完政府半個鐘，係咪可以畀番半個鐘去諷刺另外一邊。廣播處長梁家榮(圖)就話，以「烽煙(phone-in)」同論壇節目嚟講，邀請嘅受訪者其實建制派嘅人比較多。
邵家輝倡撥半個鐘畀建制
反修例風波下，港台成為建制派針對嘅對象，梁家榮話，港台收到8000幾項建議及投訴，會繼續恪守準確、持平同客觀嘅原則。旅遊業界議員姚思榮喺會上話，有留意到《鏗鏘集》同《頭條新聞》兩個節目，「每次睇，但我冇睇晒，都係偏向同情示威者」，話睇唔到港台報道示威造成嘅生活問題、警方壓力。自由黨邵家輝話，其實《頭條新聞》入面嘅「太后」講嘢好受歡迎，唔應該「閂佢把口」，但就建議港台，畀咗時段諷刺政府，可以畀番半個鐘建制。
梁家榮解釋，《頭條新聞》幾十年嚟都唔係新聞節目，而係諷刺節目，而《鏗鏘集》呢類需要深入探討嘅公共事務節目，唔應該計算係唔係持平，「如果你要質疑呢類節目，就用製作嘅標準嚟質疑，究竟佢有邊啲資料係錯誤嘅，呢樣先係最重要」。佢話以烽煙同論壇節目粗略嚟計，邀請嘅受訪者，建制派多過泛民，認為係受眾喺唔同角度接收，有唔同感受。
更多港聞
【Emily】民主黨接恐嚇信 「刺殺名單」有林泳淘
【明報專訊】民主黨噚日收到一封奇特嘅「恐嚇信」，信件話係由「阿蓋達香港濺血及死亡陣線」發出，指民主黨及泛民人士多次喺尖沙嘴「聖地」縱火，「玷... 詳情
再有理大生畢業禮戴口罩 不獲「扑頭」握手 校方：不應表達政治訴求
【明報專訊】理工大學周日（27日）的畢業典禮，校長拒與戴口罩上台的博士生握手。理大昨舉行3場碩士和學士畢業典禮。現場學生稱，其中一場有10多... 詳情
【明報專訊】教育局長楊潤雄昨探訪位於大坑東南山邨道的東華三院群芳啟智學校，該校取錄小一至中六級中度智障學童。他稱，《2019年施政報告》提出...
詳情
相關新聞
