【Emily】中藍水 被囑說話小心點 毛漢：風涼說話 鄭泳舜：關心好友
[2019.10.22] 發表
【明報專訊】警方水炮車前日向位於尖沙嘴嘅九龍清真寺噴射藍色水劑，其中印度協會前主席毛漢(Mohan Chugani)被射中，唔少本身同佢友好嘅建制派都非常關注，好似民建聯鄭泳舜(Vincent)即日已去探望對方；新民黨主席葉劉淑儀當日亦馬上聯絡佢並慰問。毛漢噚日喺港台節目話，有民建聯議員前晚到訪，着佢「與記者說話要小心點，否則會被人利用」，毛漢話呢啲係風涼說話，「事實係咁就係咁」。
鄭：無其他用意
Vincent同Emily講，佢同毛漢認識咗十幾年，作為好朋友，所以去關心同了解對方情况，如果對方有咩諗法，亦會幫忙跟進；當時佢同毛漢提及，傳媒或會將事件同宗教、種族連埋一齊講，要注意一下，強調唔係如個別傳媒所指要「警告」對方。Vincent喺書面回覆度話，毛漢同佢反映對事件嘅意見，佢即晚將意見轉達保安局及警方，噚日朝早亦聯絡政務司長辦公室，要求當局即時正視清真寺事件，盡快落區向少數族裔宗教團體解釋。
Vincent話，毛漢係佢好尊敬嘅前輩，一直以來為少數族裔爭取唔同支援政策及福利，佢同黨友係抱住關懷嘅心情探望及關注對方傷勢，又希望各方同少數族裔一齊化解現時社會嘅分裂，讓香港重回正軌，並無其他用意。Vincent有報名參加區選，同區參選人包括公民黨劉家衡、王曉聖。
更多港聞
【Emily】去重慶大廈食咖喱 區軒大讚「抵到爛」
【明報專訊】民陣召集人岑子杰遇襲後，網上曾有人話要「裝修」重慶大廈，最終有示威者前往保護，清真寺被警方射藍色水後，更有聲音話要幫襯多啲重慶大... 詳情
【明報專訊】立法會財委會本月11日就開始選舉正副主席，經歷約10個鐘共3次會議，選出主席為陳健波，但到噚日個會仍未能選到副主席。公民黨郭家麒...
詳情
【明報專訊】建制派議員何君堯言行惹火，今個星期同下星期嘅立法會大會，都分別有泛民提出譴責佢行為不檢嘅動議，聽日先由公民黨郭家麒動議譴責何君堯...
詳情
相關新聞
