【Emily】被指瞓咗 黃定光：黐線，我好精神 郭家麒搞錯：因佢嘅常態係睡眠
[2019.10.18] 發表
【明報專訊】民建聯立法會議員黃定光(象哥)過往不時被影到開會時瞓覺，噚日就鬧出小誤會，被公民黨郭家麒以為又瞓着，象哥忍唔住澄清：「黐線嘅你都，我好精神呀！」其後更向主持會議嘅街工梁耀忠發炮，問「瞓唔瞓覺都唔會阻礙會議進行㗎嘛？……咁即係我可以瞓啦吓嘛？」
話說噚日人力事務委員會開會選正、副主席，郭醫生想提名象哥做主席，「不過(象哥)瞓緊覺，唔知佢得唔得」；象哥隨即發炮指「黐線嘅你都，我好精神呀！」郭醫生隨即道歉：「因為你知黃議員呢，佢嘅常態係睡眠嘅，因為佢耷低頭，錯誤以為佢瞓覺。下次佢應該戙個牌，寫住『我不是睡眠』。」
Ann 姐勸二人打和
兩人又為象哥句「黐線」爭論一番，郭醫生認為屬冒犯，象哥反問「我話你黐黐哋，有冒犯咩？」梁耀忠就話不太禮貌，但未至於冒犯。呢個時候民建聯蔣麗芸(Ann 姐)突然做和事老，「佢兩個一筆勾銷算啦好嘛？繼續餘下工作」。
阿忠亦想打圓場，佢回應話瞓唔瞓覺，阻礙唔到會議進行都無問題，話唔好針對同事喺座位上嘅行為；象哥就忍唔住再發炮：「瞓唔瞓覺都唔會阻礙會議進行㗎嘛，咁即係我可以瞓啦吓嘛？」阿忠都係話影響唔到會議就得啦。
更多港聞
【Emily】取代陳沛然 蔣麗芸掌衛生Panel
【明報專訊】立法會18個事務委員會噚日、今日分別開會選舉正、副主席，噚日一共有9個事務委員會（Panel）開會，最終有4個選出正副主席；衛生... 詳情
【Emily】上月晤挪威議員 許智峯未聞諾獎提名
【明報專訊】挪威女國會議員Guri Melby（右）早前提名「香港人」角逐2020年嘅諾貝爾和平獎，希望藉此鼓勵香港示威者，民主黨立法會議員... 詳情
【明報專訊】香港民意研究所啟動咗一個公民社會主導嘅民意研究計劃，叫「我們香港人We HongKongers」。市民如果有任何議題希望透過科學...
詳情
【明報專訊】自從政府設《禁蒙面法》，港鐵連續兩星期都提早收車，部分買咗全月通同都會票嘅乘客對於成日無得搭港鐵感到鼓譟，要求「回水」。港鐵噚日...
詳情
【明報專訊】民陣召集人岑子杰前晚喺旺角被多人手持鐵槌及刀襲擊，成身血咁送院救治。前特首、全國政協副主席梁振英（CY）有份創立嘅「803基金」...
詳情
相關新聞
