【Emily】警疑運裝備 旅巴泊雙黃線10分鐘
[2019.10.04] 發表
【明報專訊】雙黃線範圍唔可以停泊車輛，相信都係道路常識，旺角東社區主任林兆彬噚日早上8點幾喺旺角警署旁發現，有警察疑似為運送裝備，旅遊巴喺雙黃線旁停泊逾10分鐘。佢喺facebook上載片段，顯示約有10名警員企喺行人路，部分人孭住寫上「單兵防護組件」、「廣州衛富科技開發有限公司」字眼嘅大背囊，有人向旅巴內講嘢，林兆彬行近啲拍攝時，有多名警員向佢表示「行啦」、「做咩呀？」
警：不適用警隊用途車
林兆彬質疑警方知法犯法、阻礙交通。Emily向警方查詢回應，警方回覆根據《道路交通(交通管制)規例》，影片中嘅交通標誌及道路標記，並不適用於進行警隊用途而在道路上駕駛任何車輛，或遵從穿著制服嘅警務人員所發出指示嘅人。
更多港聞
【明報專訊】民建聯立法會議員葛珮帆（EQ）召集成立嘅「禁蒙面法推動組」噚日開記者會，講到點解要立禁蒙面法時，話暴力情况不斷惡化，有警員被淋鏹...
詳情
【明報專訊】十一香港多區示威，屯門大會堂外衝突期間，有警員同記者被示威者用腐液淋潑受傷，其中一名受傷屯門反黑組警員事後向同袍發信報平安，佢背...
詳情
【明報專訊】香港浸會大學國際作家工作坊「年度卓越作家2019」活動，今年邀請迪倫?托馬斯獎得主、著名作家黎南（Nam Le）出席，公眾可免費...
詳情
相關新聞
