【Emily】健康問題 元朗議員黃卓健退出新民黨
[2019.08.13] 發表
【明報專訊】新民黨元朗頌柏區議員黃卓健(圖)喺facebook宣布，因為健康問題退出新民黨，亦決定唔會參加11月區議會選舉競逐連任。佢係繼西貢區議員譚領律後，第二個退出新民黨嘅區議員，新民黨現時得番13個區議員，較高峰期有31個區議員減半。新民黨主席葉劉淑儀話，黃卓健自7．21元朗事件後情緒好低落，身體的確出現問題，至於新民黨會唔會派人出戰，拎番該區議席，葉太話要再研究。
黃卓健喺fb話，自己同辦事處嘅職員都感謝居民8年來嘅愛護及支持，辦事處承諾會履行餘下任期嘅民生工作直至12月底任期屆滿，祝居民永遠幸福快樂、身體健康。
前黨友、屯門區議員甘文鋒留言叫佢保重；另一名屯門區議員朱耀華同佢講：「漫長人生路，希望你選的路是正確！」又有人話非常可惜，希望佢日後可以獨立議員身分再角逐議席，免受黨嘅形象拖累。
更多港聞
【Emily】澄清假圖 譚耀宗：無講警誤射眼不足奇
【明報專訊】網上世界不時有假資訊，有時傳來傳去都未必咁易分到真假，民建聯噚日就澄清，話網上流傳一張有關該黨facebook專頁評論周日晚上眼... 詳情
相關新聞
