【Emily】暴動案情侶結婚 從此赴湯杜火 齊上齊落

湯先生（中間上衣有「領呔」者）及湯太（手持花球者）原打算只辦簡單儀式、預料只有4人嘅婚禮，最終有大班朋友出現送上祝福，包括同一對新人識咗一星期嘅公民黨議員陳淑莊（前排中）。

喺上環衝突中被控暴動罪嘅情侶杜小姐及湯先生噚日喺紅棉道婚姻註冊處註冊結婚，兩人叫大家唔需要擔心佢哋，又叫大家一齊加油，話無論發生咩事佢哋都會「齊上齊落」。（讀者提供）

【明報專訊】上月28號中上環爆發嚴重衝突，結果44人被控暴動罪，包括一對姓湯及姓杜嘅情侶，兩人噚日如期喺紅棉道註冊結婚，呢個原本只預4個人出席嘅儀式，最終有大批親友同埋抗爭同路人到場，見證佢哋開花結果。公民黨立法會議員陳淑莊(Tanya)亦有到場，佢同Emily講識咗對新人「一陣，上星期識嘅」，透露上周三、即兩人上庭前一晚先首次見面；Tanya話噚日聽到兩人儀式上嘅感言都好感動。

從相片可見，呢次「湯杜聯婚」有唔少別出心裁嘅影相道具，好似一對新人拉起「赴湯杜火」橫額，Tanya亦拎住頭盔道具同佢哋合照，亦有人送上封面寫住「齊上齊落」嘅心意卡。呢場婚禮更有網媒直播，吸引數千網民一齊睇仲留言恭喜佢哋。

陳淑莊與抗爭戰友到賀

湯生湯太接受在場傳媒訪問，湯生話要搵到相同理念、價值觀，同自己齊上齊落嘅另一半唔易，又話呢排都好攰，所以今日一定要休息一日；佢哋又話雖然保釋期間被沒收證件，唔可以外遊度蜜月，但會留港「行吓」。

保釋沒收證件

唔度蜜月留港「行吓」

湯太喺儀式上話兩人識咗好耐，但直至2014年9月先喺埋一齊，在場者隨即歡呼。湯生話原本諗住最簡單咁結婚，預算佢哋之外只有兩個證婚人，即係共4人出席，預計唔到變成有咁多人祝福。

更多港聞

【Emily】張建宗讚消防救護全力服務巿民

【明報專訊】反修例示威者不滿警方，但就不時大讚消防、救護等紀律部隊。政務司長張建宗噚日喺網誌寫文，話6月到訪沙田消防局，為消防、救護同事打氣... 詳情

【Emily】區議員黃潤達辦事處三被抹糞

【明報專訊】葵涌邨南民主派區議員黃潤達嘅辦事處3周內4次被破壞，包括3次畀人喺大門抹糞，另一次係外牆嘅「連儂牆」被撕，又設起「祭壇」。黃潤達... 詳情

【Emily】張國鈞堅城議辦被打爆玻璃

【明報專訊】民建聯張國鈞喺堅尼地城嘅地舖辦事處，噚日畀示威者噴黑其頭像，寫上粗口同「無恥」等，辦事處3塊玻璃被打爛，其餘一塊玻璃被貼便條紙，... 詳情

【Emily】全民運動日 官員現身落區做運動

【明報專訊】香港人近排運動充足，康文署一年一度全民運動日噚日舉行，部分官員去到各區體育館同市民一齊運動。民政事務局長劉江華同康文署長李美嫦去... 詳情

【Emily】影相無入鏡 李偲嫣話旺角前線撐警

【明報專訊】近期示威發生多次警民衝突，一直撐警嘅「正義聯盟」主席李偲嫣，繼早前去灣仔警察總部贈送飲品同水果向警方表達支持後，又喺facebo... 詳情