【Emily】CY慶祝元朗光復 狙擊西鐵冇封站
[2019.07.29] 發表
【明報專訊】喺反修例風波中，前特首梁振英(CY)之前都保持低調，至近日示威衝突連連，佢就頻頻喺fb評論。前晚元朗大衝突後，CY深夜更喺個半鐘內連出4個post，喺警察清場後就話「慶祝元朗光復」；又質疑點解港鐵冇封站，「如果沒有西鐵接送，暴徒可以來去自如嗎？MTRC(港鐵)不可以在下午開始封站嗎？」
CY喺前晚元朗衝突完結後，形容「暴徒走了，元朗真的光復了」，又話「慶祝元朗光復」，用英文感謝喺元朗嘅前線警務人員。佢又質疑示威者都唔係當區居民，「大家要問，當地居民有義務被外區人『開花』嗎？」並質疑外區人絕大部分要靠港鐵離開，建議不如向港鐵公司要求「被開花」日暫停半日服務。
更多港聞
相關新聞
