針卡揭露被領養 63歲冼玉翎尋親

除了針卡，冼玉翎無任何跟親人相關嘅照片或文件，圖中係佢4、5歲時嘅單人照（左上）、40多歲時與養母嘅合照（右上），以及養父母照片（下排）。（陳諄?攝）

63歲嘅冼玉翎喺8個月大時被收養，至7、8歲睇到針卡先得悉自己原名陳美忠，今年初決定尋親。（陳諄?攝）

【明報專訊】針卡幫人記低注射疫苗紀錄，點都估唔到上面嘅資料令一個小妹妹揭發自己被領養嘅身世。呢位「小妹妹」好想搵番親人，但佢感生娘不及養娘大，又怕講出真相後會被養父母遺棄，於是將件事放喺心入面，到60幾歲先決定尋親。

七八歲知悉 怕養父母傷心不敢問

63歲嘅冼玉翎原名陳美忠，當年佢嘅生母姚碧若透過中介人介紹，將只有8個月大嘅佢畀咗冼先生夫婦領養。當時冼女士嘅哥哥亦在場，生母就同冼太講：「送咗畀你，食件餅乾都唔使咁多人爭啦。」冼女士從來冇怪過生母，因為佢知道當時屋企環境唔好，相信佢媽媽都好唔想送佢畀人。

冼女士對領養一事不知情，直到7、8歲，有次無意中喺屋企發現到張同自己出生日期一樣嘅針卡，但個名係「陳美忠」，父母個名亦唔同，於是開始懷疑自己身世。佢一直記住針卡上嘅名，但佢唔敢追問養父母，怕佢哋傷心，又覺得生娘不及養娘大，只好收埋唔講。佢試過打電話到自己出世嘅贊育醫院問出生紀錄，確認到親生父母嘅名，亦知道原來自己係第八胎。

直到冼女士40幾歲，養母有日突然問佢知唔知自己被收養，佢先坦白一切。佢仲話，同樣尋親嘅前港姐冠軍張瑪莉講過：「有個名就搵到㗎啦！」佢於是鼓起勇氣尋親，今年1月搵紅十字會幫手。冼女士嘅生父陳喜盛約93歲，生母姚碧若約91歲，加上佢冇其他資料，要尋親未必容易，但對佢嚟講，可同親人食餐飯、傾吓往事已經好開心，所以佢唔會放棄，希望等到呢一日！

更多港聞

夏志誠輔理主教彌撒落淚：青年被暴力對待好難過

【明報專訊】警察前日面對反對修訂《逃犯條例》示威者，又射橡膠子彈又射布袋彈，有唔少示威青年受傷甚至入院。天主教香港教區輔理主教夏志誠前日喺灣... 詳情

投資者搞業主聯署 自由黨吳龍飛反修例：票債票償

【明報專訊】自由黨議員早前再三表態支持政府修訂《逃犯條例》。本身係自由黨成員嘅樓市投資者吳龍飛周三喺facebook發起「香港業主就修訂《逃... 詳情

東華邀港大審視學校管治制度 教師墮樓小學 校長仍休假

【明報專訊】東華三院李東海小學教師校內墮樓身亡事件發生至今3個月。東華三院執行總監蘇祐安接受本報專訪時稱，5人獨立調查委員會仍在工作；目前學... 詳情

航空營運文憑 五大範疇可實習

【明報專訊】由香港機場管理局成立及管理的香港國際航空學院，今年8月首次推出「航空營運文憑」課程，包括理論課及獲月薪的實習，讓學生「邊學邊賺」... 詳情

衛署助30校訂推廣健康策略

【明報專訊】衛生署在2015/16至2017/18學年調查發現，本港學生睡眠及運動時間不足，4%中學生及8%小學生每天有一小時體能運動，有近... 詳情