【明報專訊】噚日反修例遊行到立法會，但遊行之後到夜晚11點幾仲有好多市民留低，有班熱心市民仲自發幫手清理垃圾桶，亦有市民同大專組織在場派水同麵包。

市民大專組織派水同麵包

遊行後，金鐘近立法會一帶每個垃圾桶都堆滿垃圾。Emily夜晚喺添美道立法會行車道外，見到有幾個市民清垃圾，將四散嘅垃圾放入黑色大膠袋，又搵番啲膠樽出嚟做分類。

搵番啲膠樽出嚟

Emily上前打聽，唔願意開名嘅熱心市民話，同朋友遊行期間，已經睇到唔少垃圾桶爆晒，覺得清潔工人會清得好辛苦，咁啱大家身上有垃圾膠袋，所以臨走前就幫手執啲，做簡單分類，之後會唔會繼續清，要視乎身上仲有無膠袋。Emily覺得要畀啲掌聲佢哋呀！