【明報專訊】民主黨59名成員包括區鎮樺、柯耀林、丁仕元等人去年退黨，Emily近日收到風，佢哋將於今個星期四(30日)宣布組成「區政聯盟」，定位係相對淺黃、溫和，亦有本土元素，宗旨係「在一國兩制大原則下，爭取民主、維護自由、捍衛法治，團結社區力量，為香港市民服務」。據Emily所知，執委會召集人將由柯耀林出任，副召集人分別係丁仕元同區鎮樺。 年底就係區議會換屆選舉，區政聯盟合共有30名區議員同社區主任會參戰，當中有4人將參選大埔、15人出戰沙田、11人會披甲將軍澳。至於下年立法會選舉，有知情者就話，預計區政聯盟都會「寸土必爭」，無論地區直選定功能組別嘅「超級區議會」都會考慮，雖然未必會以初選定奪出戰人選，但都要視乎年底區選成績。 區政聯盟現時有3個團體會員，分別為將軍澳民生關注組、沙田區政，以及大埔北區團隊。不過，由於聯盟定位都係參政組織，部分本身有所屬政黨嘅人都未必加入。
|
| |
| |
;)
