【明報專訊】連續4年業續都見紅嘅香港迪士尼樂園又要加價。Emily數一數，原來今次係樂園7年來第6次加價，只係上年停一停，對上嗰次係2017年尾宣布加價5.8%。樂園度假區噚日宣布今日起入場費加3%，標準門票要639蚊，小童門票都要475蚊。 至於「奇妙處處通」成人年票就加到1278蚊至3599蚊不等，而長者正價門票同各款長者「奇妙處處通」會籍售價都無變。度假區亦第一次推出「奇妙處處通」續會兩年特別優惠，香港居民喺6月24日或以前，可以舊票價購買任何「奇妙處處通」會籍。不過，網民似乎唔多受落，仲話一家大細入去玩一轉要成2000幾蚊，不如慳番嚟去旅行好過喎。究竟迪士尼加價真係可以止蝕，定係會搞到蝕得仲多呢，咁就要睇佢下年初公布業績先知嘞。
|
| |
| |
;)
