議辦被指藉派錢計劃拎資料 柯仔：會跟進
[2019.04.19] 發表
【明報專訊】政府派發4000元計劃，唔少人都會搵議員辦事處幫手，有網民日前喺facebook群組貼文，話喺民建聯立法會議員柯創盛一個辦事處，以密封信封為自己同朋友遞交申請表格，網民話近日收到議辦有關派錢嘅提示信息，但佢記憶中無向議辦提供過電話，質疑「(聯絡)資料從何而來」，擔心私隱未受保障。
柯仔噚日同Emily解釋，有向職員發出處理表格相關嘅私隱指引，強調如果市民以密封信封交表，獲市民同意下職員會檢查表格資料，但若市民拒絕，職員唔會拆開信封，強調議辦角色只係代為交表。
柯仔話議辦自從為街坊代交派錢表格後，一直未收過投訴，對於網民嘅指控自己仍要進一步了解，歡迎網民聯絡佢，佢亦會主動跟進事件。
更多港聞
【明報專訊】今年十一國慶70周年，九龍社團聯會噚日舉行傳媒午宴，介紹該會慶祝活動，下月舉行嘅湖南參觀團將打響頭炮，參觀中共已故領導人毛澤東故...
詳情
相關新聞
