馬恩國強姦非禮比喻佔中 黃浩銘：公民抗命係為公眾利益

大律師馬恩國（左）同經民聯梁美芬（右），噚日喺《城市論壇》就佔中議題同社民連黃浩銘（背向鏡頭者）針鋒相對，更一度七情上面，馬恩國以非禮強姦比喻佔中，阿銘就反駁，公民抗命並非為私利，而係為公眾利益。（蘇智鑫攝）

【明報專訊】佔中9人案聽日宣判，被告之一、社民連副主席黃浩銘噚日喺港台節目《城市論壇》上，同「保普選反佔中」大聯盟義務法律顧問馬恩國等，激辯佔中理念同影響。馬恩國席間以求愛不遂比喻佔領運動，強調所有政治訴求都應該喺法律框架之內爭取，話如果有人向心儀對象送花，對方仍唔接受，「唔通非禮、強姦佢？」阿銘反駁，強調非禮同強姦等係為私利，但公民抗命係為公眾利益。

阿銘以甘地同曼德拉等歷史人物為例，形容參與公民抗命嘅人，都知道自己嘅去路會係監獄，形容監獄係公民抗命者嘅「必經之路」，強調佢哋爭取嘅係社會美好將來。

缺席平反六四議案

梁美芬：因為我兩邊都唔幫

另一出席論壇嘅經民聯副主席梁美芬(Priscilla)，批評佔中9人只顧自己嘅崇高理念，卻站喺市民同一國兩制利益嘅對立面，佢希望各方爭取民主時都應該有對話，唔應該將年輕人推向牢獄。

阿銘喺節目休息時間，就翻Priscilla「舊帳」，話對方喺內地八九民運期間，曾以記者身分形容當時學運相當和平，質問Priscilla點解入咗立法會之後，多次缺席有關平反六四嘅議案。Priscilla回應話「因為我兩邊都唔幫」，阿銘反問佢係咪覺得共產黨「幫唔落」，Priscilla未有再回應。

更多港聞

倪匡訪問突抽起 港台話技術出錯

【明報專訊】香港電台原定噚晚7時05分喺港台31台同網上，播出由資深大律師石永泰做主持、訪問作家倪匡嘅《鏗鏘說》節目，最終卻變成重播訪問導演... 詳情

啟德睇退役飛機 何啟明父子斷電

【明報專訊】政府早前選址啟德跑道公園，公開展覽政府飛行服務隊嘅退役飛機「捷流41」，工聯會立法會議員何啟明趁噚日放假，帶埋一向鍾意飛機嘅囝囝... 詳情

樂樂盈盈發情 海洋公園熊貓館關閉

【明報專訊】大熊貓樂樂同盈盈喺香港住咗超過12年，一直未有細路，海洋公園同四川嘅專家都幾頭痛！海洋公園發言人噚日話，3月下旬開始，發現盈盈玩... 詳情

中學生拍迷你劇推廣共融

【明報專訊】獲勞福局社區投資共享基金資助嘅「奮青創本視」計劃，鼓勵中學生根據真實故事，製作迷你劇思考共融議題，計劃去年10月開始，共有20間... 詳情

狗狗跌石隙 波哥直擊消防拯救

【明報專訊】保險界立法會議員陳健波（波哥）除咗鍾意喺facebook分享保險、養生知識，原來佢都相當關注狗狗。話說波哥噚日上載咗條「消防救狗... 詳情