拎住一條文件繩 超雄為盲人發聲

（鍾林枝攝）

【明報專訊】立法會議員張超雄噚日喺立法會特首質詢時間發言時，拎住一條政府部門以至一般學校或辦公室都會用嘅綠色文件繩(圖)，提到全港唯一會製作呢款文件繩嘅盲人工廠，遲啲因為重建要由土瓜灣搬去屯門，200幾個工廠工友好擔心，而工友有智障人士、失明人士同精神病復康者，質問特首「有無憐憫之心」。

特首林鄭月娥就即時話當年，話佢做社署署長時，已經訪問過呢間工廠所屬嘅服務單位，佢一直重視殘疾人士就業，一個月之前已主動要求勞工及福利局長羅致光要認真妥善處理，又應承會親自處理；而涉及重建搬遷應該互諒互讓，好似之前觀塘展亮中心件事，最後大家都接受，希望今次都本住同樣嘅精神去處理。

張超雄聽到回答後就唔多同意，提起今次重建理應改善盲人工廠情况，所以應該喺當區搵地方畀工友過渡，唔應該要盲人去屯門(工作)，形容政府「今次好明顯係考慮不周」。超雄話除咗文件繩，該廠仲有做銀行用嘅布袋、大學實驗室用嘅實驗袍。

更多港聞

吳文遠為CY眾籌登廣告

【明報專訊】全國政協副主席、前特首梁振英（CY）近日經常喺facebook出post，點出不同嘅商戶於《蘋果日報》賣廣告，記協曾經出聲明指C... 詳情

「三合一」記招捱批 林鄭：會從善如流

【明報專訊】特首林鄭月娥上周召開「三合一」記者會，將沙中線調查委員會中期報告、撤回三隧分流，以及《逃犯條例》修訂建議一次過公布，做法被記協質... 詳情

官員外訪 鄭若驊14次總開支136萬

【明報專訊】唔少議員都關心官員外訪次數及開支，根據特首辦回覆立法會議員嘅資料，特首林鄭月娥由去年4月至今年2月底，共外訪23次，包括瑞士、印... 詳情

司法機構培訓年花120萬 包括學普通話

【明報專訊】司法機構每年都為法官同司法人員舉辦培訓活動，政府噚日就《財政預算案》回覆立法會議員書面提問時，透露2018/19年度舉辦各項培訓... 詳情

支聯會聲援「銘記八酒六四」維權者

【明報專訊】內地4名維權人士符海陸、張雋勇、陳兵及羅富譽因為喺2016年製作「銘記八酒六四」白酒，被內地控以尋釁滋事罪，案件陸續開審，支聯會... 詳情