港人度過最暖冬季 黃雨歷來第二早
[2019.03.05] 發表
【明報專訊】相信大家都仲記得上月豬年前後都暖洋洋，天文台總結剛過去嘅2月天氣，由於華南沿岸大部分時間受到較弱嘅東北季候風影響，令本港異常和暖，天文台於2月6至8日錄得最高氣溫分別為24.9℃、25.8℃及25.1℃，係有紀錄以來最溫暖嘅農曆新年大年初二、初三及初四。事實上，香港經歷咗有紀錄以來最溫暖嘅冬季，去年12月至今年2月嘅平均氣溫有19.1℃，較正常值高2.1℃。
今年2月唔單止和暖，仲較正常多雨，總雨量為68.7毫米，較正常值54.4毫米多約26%。2月19日雨勢頗大，天文台發出今年首個黃色暴雨警告信號，亦係暴雨警告信號系統自1992年開始運作以來第二最早發出嘅黃雨警告。
更多港聞
專訪：公大校長指政府不公道 倡獲八大1/3人頭資助
【明報專訊】公開大學校長黃玉山接受本報專訪時指出，公大是政府創辦的大學之中，唯一需自負盈虧的大學。他稱學校近年遙距課程收入減，學校需轉型辦成... 詳情
相關新聞
