民記公廁調查 惹建制「內訌」
[2019.03.01] 發表
【明報專訊】《財政預算案》建議用6億元翻新全港240個公廁，民建聯喺預算案發表前一日公布「十大最差公廁」調查，其中香港仔海濱公園公廁榜上有名，結果就連其他建制派區議員都不滿。香港仔區議員任葆琳噚日喺facebook貼文，形容呢個公廁上榜係「莫名其妙」，強調公廁情况「絕對合格，甚至良好」，佢甚至走入男廁觀察同影相，話如果民記仍有疑問，佢可以親自接待對方參觀咁話。
任葆琳話香港仔海濱公廁合格
任葆琳話一直有留意區內公廁情况，「但為免主觀，及女性議員不了解男廁的偏差」，佢噚日就特地約咗康文署職員觀察海濱公園內所有公廁，包括男廁同女廁，「結果一如既往，情况絕對合格，甚至良好」；Emily從佢上載嘅圖片所見，相關公廁的確尚算企理。佢話為免康文署「做戲敷衍」，前日已經率先派人「放蛇」巡查。
任葆琳形容民建聯「未必清楚香港每一個角落，但可以先問當區人士再作定論，否則可能未幫到手，先有人無辜犧牲」。佢話當區最差嘅公廁其實係湖南街公廁，經常收到投訴，亦已向食環署轉達，佢噚晚巡區時同清潔工傾偈，其間就目睹疑似隱君子霸用殘廁，佢話會跟進尋求改善方法。
更多港聞
馮德雄回巢 任有線新聞執董 趙應春榮休 做特別顧問
【明報專訊】有線早前傳出要栽員、新聞部將會變天，令新聞界有唔少討論。噚日有線宣布高層人士變動，有線寬頻通訊有限公司發新聞稿話，有線新聞及有線... 詳情
【明報專訊】《財政預算案》計劃預留60億元發展海濱長廊及休憩空間、改善海濱設施，財政司長陳茂波噚日去立法會簡報期間，經民聯梁美芬就強調，海濱...
詳情
特稿：升中自行分配 取錄擬3月通知 校長支持：免折磨家長多幾個月
【明報專訊】中一派位每年7月初放榜，同一時間公布「自行分配學位」與「統一派位」（俗稱大抽獎）結果。教育局建議修訂中一派位安排，中學可預早在3... 詳情
【明報專訊】教育局若改變中一派位安排，直資學校便首當其衝。小六生升中，除可在1月參加「自行分配學位」，直接向兩間中學交申請表，亦可同時申請直...
詳情
相關新聞
