【明報專訊】西九文化區前日舉行葡萄種植儀式，出名好紅酒嘅文化區管理局主席唐英年，同酒莊莊主及法國駐港總領事齊齊「動土」，象徵「葡萄園計劃」啟動。葡萄園設喺西九臨海觀景平台，唐英年形容隨着計劃開展，香港將有獨一無二嘅葡萄園，預料將來會成為訪客必到嘅Instagram取景勝地。

管理局透露，除咗黑皮諾(Pinot Noir)葡萄外，管理局亦會試種霞多麗(Chardonnay)同梅洛(Merlot)等唔同品種嘅葡萄樹，如果相關葡萄樹能適應西九風土，管理局會永久種植。

葡萄酒專欄作家黃大鈞認為，香港雖然相對熱，但熱帶地區如泰國同越南都有成功種出葡萄嘅經驗，香港天氣都適合種霞多麗同梅洛兩個品種，不過對種黑皮諾就有保留。佢話今次始終係香港新嘗試，難推斷葡萄品質好壞，但相信用嚟綠化或「打卡」都無問題，不過要成功就最少要兩三年。