【明報專訊】飲咖啡可以係享受，但如果呢杯咖啡係廉署請你飲，可能特別苦澀。為推廣廉潔信息，廉署不但用咖啡做宣傳標誌，仲搵嚟「大嘥鬼」宣傳團隊拍廣告，專登搵間咖啡店、請專業咖啡師幫手調咖啡，十分認真！

廉政公署成立45年，最深入民心嘅必定包括「請飲咖啡」，原來喺1970年代成立早期，廉署由英國聘請咗一批資深警務人員，由於文化唔同，佢哋為疑犯或證人錄口供時，一般都會問對方要唔要咖啡。

成立45年 大嘥鬼團隊拍片

廉署宣傳計劃搵咗環保icon大嘥鬼製作團隊幫手，導演Karin Wong(王嘉明)本身係咖啡愛好者，拍攝期間團隊四出搵咗幾十個可代表不同年代、不同款式嘅咖啡杯，放滿一張長枱，甚至連咖啡壺都精挑細選，務求在畫面上突出「時代不同，咖啡如一」嘅概念。

今次宣傳廣告除咗喺電視、電台播出，仲可以喺部分巴士及港鐵車站睇到，大家記得留意吓。