【明報專訊】俗稱「公民廣場」�麍F府總部東翼前地早前重開，但旗杆平台附近其後就擺�鱆嶈痋A兩個月前更加畀圍板封住。事緣行政署早前開展綠化工程，包括�鷅X杆平台設置固定花槽，增加土壤並加設排水管道等等，工程近日已經完成，由相片可見，花槽大約1米高。行政署回覆Emily話，建造工程預算費用約為98萬元，實際開支就有待核算。

預算98萬 固定花槽完工

驟眼睇，花槽係完全包圍成個旗杆平台，民主黨立法會議員林卓廷就觀察到，花槽有一部分似乎係「神秘門」同花盆，質疑職員日後係咪要先開「神秘門」，再移走重重花盆陣，先可以升降國旗？

阿廷又同Emily講，以往如果�鷏茬B集會，主持人企�鷅X杆平台上，其實比較容易控制秩序，質疑政府花咁多公帑建造工程，結果反而令集會更唔方便，妨礙市民表達意見。佢強調，現場咁多保安、警察，其實唔需要驚市民會衝上去旗杆平台。

行政署：有留通道供升旗

行政署回應話，改善工程旨在優化種植環境，設計上亦有為升旗儀式預留通道；但就冇解釋到底設計上點樣預留空間畀職員升旗。