迷航拍出月曆 馮煒光變「龍友」全因CY
[2018.12.18] 發表
【明報專訊】喺前特首梁振英(CY)年代做新聞統籌專員嘅馮煒光(圖)，離開政府後做番老本行財經公關工作，同時做埋業餘「龍友」迷上航拍。Emily噚日收到馮煒光嘅禮物，係一個2019年月曆，月曆上相片係唔同地方嘅明媚風光，全部用航拍機拍攝。
馮煒光話佢變咗龍友同CY有關，因CY任內想推動創科，佢因而接觸到航拍機科技公司大疆，買部玩吓，結果上癮，前後買咗十幾架。月曆上嘅相係佢離開政府後有時間去旅行或公幹，放飛機影番嚟，風景點有內地西藏、北京等，外地風景有新加坡及馬爾代夫等。佢話製作咗約1300份月曆，有朋友提議不如拎去義賣幫慈善組織籌款，但發現自己派派吓原來已經所剩無幾。
更多港聞
【明報專訊】本港第一間兒科專科醫院、喺啟德發展區嘅香港兒童醫院今日（18日）分階段啟用，率先提供服務嘅有腫瘤科、腎科，瑪嘉烈醫院、瑪麗醫院與...
詳情
【明報專訊】小三全港性系統評估（TSA）明年6月中考筆試，教育局每校抽10%小三生應考，同時允許小學選擇全級考，而今年（2018年）有四成公...
詳情
相關新聞
