民主思路電影晚會 星光熠熠
[2018.10.27] 發表
【明報專訊】行政會議成員湯家驊(Ronny)創立嘅「民主思路」成立三周年，噚晚喺九龍一間戲院舉行電影籌款晚會，特首林鄭月娥同電影女主角鮑起靜獲邀主禮，食衛局長陳肇始、保安局長李家超同運房局長陳帆等高官都有畀面出席。Ronny未有透露籌款金額，但形容對金額滿意。
呢齣名為《生生》嘅台灣電影，講述一名熱愛生命嘅70歲婆婆，同男童「生生」相遇嘅故事，一老一少演活笑中有淚嘅生活大小事。Ronny早前話希望可以透過晚會籌款，支援組織未來嘅工作同研究，包括發表每年兩次嘅「一國兩制指數」調查、舉辦文憑課程，同埋香港2047年前途問題嘅研究等。
更多港聞
相關新聞
