林鄭戥劉德華唔抵 稱生於同一年代
[2018.10.11] 發表
【明報專訊】特首林鄭月娥喺《施政報告》提出「明日大嶼」計劃，研究喺東大嶼填海約1700公頃，接近全國政協副主席董建華牽頭嘅團結香港基金，提出嘅「強化版東大嶼都會」2200公頃大型人工島計劃。有「民間特首」之稱嘅劉德華早前幫基金短片旁白，支持填海，遭網民批評，林太噚日喺記者會為華仔護航，話留意到有人因此對華仔人身攻擊、侮辱，形容係「非常唔公道」，又敬佩華仔勇於表達意見，順道預祝佢12月演唱會成功。
林太話，自己比公眾早一兩日睇到段短片，睇完「好驚訝」，因為短片嘅用字、概念都同施政報告咁?合，譬如大家都有「向前行」、「希望」、「啱做就去做」字眼，佢澄清政府同團結香港基金「冇夾過」。
林太話唔知係咪華仔親自寫旁白，但據說華仔認同旁白內容，佢話短片旁白同施政報告字眼不謀而合，可能因為佢同華仔生於同一年代，笑言自己比華仔大幾年，但大家都係出身基層，喺香港騰飛嘅年代受惠於經濟發展，同樣以港人拼搏努力嘅精神去到今日嘅地位。
林太話：「我哋去到呢個年紀，老實講，仲需要為自己做啲咩嘢呢？」佢指大家都關顧下一代，想下一代有機會喺香港發展，而唔係移民。
更多港聞
【明報專訊】特首林鄭月娥噚日發表任內第二份《施政報告》，約6萬字嘅報告全文同上年一樣，隻字不提「民主」。話深明住屋需求係政府最大挑戰嘅林太，...
詳情
【明報專訊】科技發展為大趨勢，現時咩生意、政策都要搞搞智能大數據概念。Emily噚日聽到，本港?監獄院所都會「智能化」，今年研究引入「智能監...
詳情
8億援SEN 官津校設言語治療師 增心理學家比例 嚴重SEN津貼加倍
【明報專訊】《施政報告》提出涉及47億元額外經常教育開支，其中8億元用於為有特殊教育需要（SEN）的學生提供不同支援。由2019/20學年開... 詳情相關新聞
