青少年繪畫賽 記錄灣仔風貌
[2018.10.02] 發表
【明報專訊】噚日喺灣仔利東街、前灣仔郵政局、藍屋、和昌大押、洪聖廟等地附近，出現咗一班寫生青年，見佢哋拎起素描鉛筆、水彩筆，起勢畫畫畫，將眼前嘅城市景觀描繪紙上，作品好有水準。原來佢哋係「藝育菁英基金會」主辦嘅「全港青少年繪畫總決賽」參加者，喺3000名13至18歲青年中脫穎而出，躋身噚日總決賽。
比賽旨在鼓勵本港青少年發揮藝術創意，用畫筆展現香港景貌，之前已畫過18區景點。適逢慶祝國家改革開放40周年，中聯辦都係支援機構之一，中央美術學院教授有份做評審，最終選出10名「全港最佳青少年畫家」，佢哋喺出年復活節可免費參與為期一周嘅「俄羅斯藝術之旅」，進一步提升畫畫造詣。
更多港聞
相關新聞
