鄭若驊老公潘樂陶1億捐母校理大
[2018.09.11] 發表
【明報專訊】律政司長鄭若驊嘅丈夫潘樂陶，噚日向母校理工大學捐款1億元，資助智能同可持續能源?相關研究工作，係理大近10年個人基金捐贈嘅最大筆捐款，認真慷慨。潘樂陶出席典禮時就話，好榮幸有機會回饋母校，有信心對理大嘅支持會得到豐碩回報，為研究同教育帶來影響。
理大補充，原來除咗今次呢筆捐款，潘樂陶同佢嘅公司由2000年起至今，捐款超過350萬元畀理大，可見佢多年嚟對師弟妹嘅支援。今次捐款將會用嚟成立兩間以潘樂陶命名嘅研究院，專注研究智慧城巿、智慧出行、智能同可持續能源相關領域，以及喺「智慧城巿及城巿信息學」及「智能及可持續能源科技」兩個領域設立勵學教授席。77歲?潘樂陶係安樂工程創辦人，早年離婚時，被法庭判要向前妻支付約7億元贍養費。
更多港聞
【明報專訊】立法會九龍西補選11月25日舉行，盛傳建制派將由九龍社團聯會「健康大使」、前政助陳凱欣出選，不過健康大使口碑似乎麻麻，據聞圈內人...
詳情
【明報專訊】民主黨立法會議員許智峯4月時因為喺立法會大樓內搶走保安局女職員手機事件，被民主黨凍結會籍，阿峯近日就向該黨表達希望想做「民主青年...
詳情
【明報專訊】英國國家打擊犯罪調查局（NCA）上周分別發信畀前特首梁振英（CY）同民主黨立法會議員林卓廷，話NCA已停止調查UGL案，CY噚日...
詳情
七成幼園小學生體態有問題 寒背最常見 趨低齡化
【明報專訊】不正確的姿勢易導致體態甚至脊骨問題，嚴重者更需要做手術。有組織調查發現七成受訪幼稚園及小學學生有體態問題，包括「寒背」及高低膊等... 詳情相關新聞
