【明報專訊】港大法律系副教授戴耀廷(Benny)周三喺facebook專頁向全國政協副主席、前特首梁振英(CY)下戰書，邀請對方公開討論港獨，「不知道梁先生有否這膽量」；CY原來亦留言回應，但唔係講係咪受邀辯論，而係質問Benny係咪反對港獨，噚日更喺自己fb指戴耀廷一類人係港獨嘅「潛藏力量」。 話說Benny下戰書後，CY就去留言問對方係咪反對港獨，Benny就回應話覺得要討論嘅唔係簡單「支持與不支持」，而係要知道點解港獨會喺香港出現，「支持的要知道，反對的更加要知道，好對症下藥」。 CY噚日就發文回應，將港獨同吸毒做比較，指「任何問題都可以有很多成因，青年人吸毒的成因很多，戴耀廷因此就不可以公開反對吸毒嗎？」CY形容Benny係「不肯回答」反對港獨，說明佢一類人係港獨嘅「潛藏力量」，「以後沒有人可以再說：港獨只是陳浩天等力量薄弱的青年人的頑皮」。 CY嘅fb一般網民唔可以留言，但CY將呢篇帖文留言喺戴耀廷專頁，就引來大批網民想同CY辯論，有網民問「梁先生，您是否理解何為『討論』？」，亦有人要求CY講?「戴教授的言論犯了那一條法律？」
|
| |
| |
;)
