社民連陳皓桓 保安局叫錯陳皓天
[2018.08.22] 發表
【明報專訊】警方早前引用《社團條例》建議保安局取締提倡港獨嘅香港民族黨，召集人陳浩天頓時成為社會焦點。社民連成員陳皓桓(Figo)噚日收到保安局傳真，請佢就一個遊行安排嘅上訴會議開會，保安局呢排唔知係咪太關注陳浩天，喺傳真上將收件人寫成「陳皓天」，將兩人名字「合體」，Figo就批評局方係「陳浩天上腦」。
Figo噚日喺facebook貼圖，話菲律賓總統杜特爾特今年4月訪港，自己代表各團體向警方申請遊行，「點知警察將示威區放到隔左(咗)一個海」，於是4月中向公眾集會及遊行上訴委員會上訴。
保安局直至噚日先以「陳皓天」為收件人傳真畀佢，請佢出席後日(24日)嘅會議，佢噚日喺fb高呼「我唔係陳皓天！我係陳皓桓！」，又話局方應該約時間，而唔係叫佢幾時出席。
更多港聞
【明報專訊】香港民族黨召集人陳浩天早前向美國總統特朗普發公開信，促撤銷香港及中國作為世界貿易組織成員身分。特首林鄭月娥噚日形容做法唔合適，唔...
詳情
相關新聞
