曾志偉被封殺：禍從口出 無份做港姐司儀
【明報專訊】有傳曾志偉被無綫封殺，因而絕迹港姐騷。前晚他出席「香港人撐香港品牌」分享會，受訪時表現輕鬆，他說：「我信報道，真的無搵我，但無求證過。」再問他何以曬得一身古銅色膚色時，他自嘲：「我周圍去搵工作，畀人封殺，唔使搵嘢做咩！世界很難撈，我咪去搏扎囉！」
記者：鍾一虹
攝影：孫華中
早前曾志偉獲悉今屆港姐去西貢拍外景，他反問：「越南個西貢？去香港個西貢，距離將軍澳咁鬼遠！」此言一出，港姐碰巧獲安排到澳門拍外景，終於衝出香港。志偉前晚抵死表示：「不知是否關我事，當然戥她們開心，好過去西貢。」他又說自己未獲演出邀請，所以無份跟港姐去澳門拍攝。問他是揶揄港姐去西貢拍外景，還是亮相ViuTV世界盃節目得罪無綫？志偉笑說：「可能累積，禍從口出！」
有搵過亞視高層何麗全
有網民反映想睇志偉做港姐司儀，他稱：「不是你想做就做，別人都不畀你做。我出於好意，覺得今年可以返去做，想做好節目畀觀眾睇，可能形式不似以前那一套啦！無所謂，我休息一下。」
老友陳百祥(阿叻)笑指志偉不再阻住，可以代替做港姐騷？志偉說：「所以一定留給他做，如果我做了，他就無得做。」
回歸無綫「換晒啲人先」
被傳封殺後，ViuTV與亞視爭相找他合作，志偉笑言：「這些只是報道，我仍然在求職中，睇時間啦，我都有工作。」他聲稱曾致電亞視高層何麗全，可是接不通電話，「我真的有打給他，想問候他、恭喜他。聽到他的title很長，兼很多職務，想關照一下我。」ViuTV辦《廣告女皇》選舉，有否興趣做司儀？志偉笑說：「港姐都不做，去做這個，會不會被人笑？無所謂，節目好就去邊度，我想做好節目給香港人睇。無綫不是沒機會返去做，2035年啦……換晒啲人先啦！」
這晚無綫有派採訪隊到場，跟內地傳媒圍訪志偉，沒有單獨訪問，跟以前作風大不同。
■更多娛樂猛料 ﹕ol.mingpao.com
