半島擺酒 麥美娟做姊妹 容海恩結婚 袁彌昌讚老婆「最好」

半島擺酒麥美娟做姊妹容海恩結婚袁彌昌讚老婆「最好」

[2018.08.11] 發表

【明報專訊】新民黨立法會議員容海恩(Eunice)噚日與同黨嘅政策總裁袁彌昌(Derek)拉埋天窗，?尖沙嘴半島酒店擺酒。噚日Derek拖實新娘子見傳媒，仲形容Eunice係佢「Right choice，最好嘅選擇」，Eunice聽到當堂甜笑。

新民黨主席葉劉淑儀飲完仲?facebook「爆料」，話Eunice笑住爆「Derek為?追佢先加入新民黨」，而Derek致辭時就多謝葉太「兩次改變我人生方向」，一次係入黨，另一次就係撮合?佢同Eunice，葉太仲話現場有人起哄，叫新人斟茶畀佢呢個「大媒人」，令佢「受寵若驚」。

Emily問葉太對新人有乜祝福，葉太答「祝佢哋早生貴子囉」，又話送咗銀行禮券畀一對新人，「佢哋想買乜就買乜」。

被問雙喜臨門？袁：我哋都想

講番噚日，話說Eunice一襲白色婚紗登場，仲著住「斗零」高踭鞋落樓梯，記者都忍唔住提佢小心，Eunice笑住答「無事」。被問到結婚心情如何，佢回答「原來結婚好忙，無諗過有咁多嘢搞」，又大讚老公「對我好好」。咁到底係咪雙喜臨門呢？Derek馬上開口護航：「有好消息會話畀大家聽，我哋都想可以咁樣(有BB)。」

Eunice話今次婚宴招待親友為主，Emily現場見到嘅政界中人唔多，立法會議員麥美娟係Eunice姐妹團成員之一，佢話姊妹團有5人，主要係Eunice大學同學、朋友，佢透露有按傳統玩新郎，例如叫新郎邊做掌上壓邊食生果，「香蕉同提子當然唔少得啦」，但佢話大家好錫住Derek，「做咗幾?就放過佢」。

另外，Eunice媽媽噚日下晝都有現身見記者，仲讚Derek係「101分女婿」，至於阿女係咪有咗？容媽媽相當口密，話「唔清楚呀」。