7次詐糊 大熊貓盈盈又有孕味
[2018.08.08] 發表
【明報專訊】已食咗7次詐糊嘅大熊貓盈盈又傳出懷孕消息，海洋公園話，盈盈喺7月中開始出現典型懷孕徵狀，但由於懷孕期由72到324日不等，仍有待觀察。至於全球最長壽嘅圈養雄性大熊貓安安就喺8月踏入32歲，相等於人類約95歲高齡，早前做咗右眼晶狀體移除手術，𠵱家休養緊。
13歲嘅大熊貓樂樂、盈盈自2011年起連續第8年嘗試為香港增添熊貓寶寶，海洋公園表示，樂樂、盈盈喺4月交配季節時曾嘗試自然交配，公園亦用咗樂樂嘅新鮮精液為盈盈人工授精，盈盈自7月中起出現典型懷孕徵狀，減少食慾及增加休息時間，但由於懷孕期由72到324日不等，?象可能係假懷孕所致，所以將繼續監測盈盈情况。
大熊貓安安就喺8月踏入32歲，海洋公園話安安5月時受右眼眼壓升高引起嘅青光眼影響，出現晶狀體半脫位，為防止安安疼痛加劇，獸醫團隊喺6月初為安安右眼做晶狀體移除手術，現為佢術後護理，包括日常眼部檢查、眼壓測量、眼藥水及其他藥物治療。
更多港聞
【明報專訊】立法會九龍西補選11月舉行，建制派仍未協調出人選，自食衛局前局長高永文上星期宣布唔出選後，就傳出其前政治助理陳凱欣有機會代建制披...
詳情
相關新聞
