「自由約」9月歸來 進駐西九藝術公園
[2018.07.28] 發表
【明報專訊】新一季西九「自由約」將會喺9月載譽歸來，今年嘅自由約首次進駐西九文化區嘅藝術公園，繼續為大家送上音樂、舞蹈、文學、市集同工作坊等免費戶外音樂藝術節目。
自由約今年9月至明年3月期間，一如既往繼續每個月嘅第二個周末喺西九文化區舉行，市民可以免費入場。
自由約過去係喺西九臨時海濱公共空間舉行，今年將會首次進駐西九永久設施藝術公園。主辦單位話自由約進駐新地方，希望藉以探討「我們的空間」。空間係香港嘅敏感詞，大至土地問題，小至個人選擇，空間為大家帶來限制，但同時都有釋放可能，希望大家一齊探討城市空間嘅不同可能。
更多港聞
相關新聞
