【明報專訊】有咩驅使港鐵車務營運總管李聖基(基哥)著起高鐵職員新制服呢？係愛定係責任呀？基哥做?一個近年大熱嘅「畀心心」手勢，話係因為責任心，話著起呢套海軍藍色制服嘅高鐵職員會好有耐心咁服務大家，叫大家喺西九龍總站搭高鐵時更放心。 基哥噚日著起以海軍藍色為主調嘅新制服，配淺灰色領嘅白恤衫，恤衫同外套上有高鐵「動感號」標誌顏色橙色嘅線條作點綴；制服分夏季同冬季，夏季配襯背心藍色馬甲，冬季就係長袖短身藍色西裝外套，天氣凍時職員可加配長身藍色西裝外套，高鐵售票員、站務員同車長都會著。 基哥同一班都著住新制服嘅年輕高鐵職員噚日喺西九龍總站行咗幾步貓步，自信心返晒嚟咁，佢好謙虛咁話「幾廿年都無做過model」。睇佢單手插褲袋匯報高鐵新情?，仲識擺晒pose，咁有自信，抵佢型番一日！
|
| |
| |
;){kind=small}
;)
