新鈔被嘲似陰司紙世界末日 中銀設計師:多關注有利發行

[2018.07.26] 發表
金管局搞新鈔巡迴展覽,仲推出應用程式畀大家玩遊戲同埋了解新鈔,市民似乎對新鈔亦好有興趣,唔少人喺展覽度駐足觀看。(馮凱鍵攝)

【明報專訊】3間發鈔銀行前日公布新版鈔票,市民有好多意見,真係各花入各眼,其中中銀嘅新鈔就被唔少網民負評,有網民話,中銀100蚊嘅紅伶似女鬼,仲話似陰司紙;500蚊就好似電影海報《2012末日預言》世界末日場面等。

指圖像有色差 見實物會改觀

負責設計中銀新版港鈔嘅內地設計師邵國偉噚日回應話,大家對鈔票愈關注,就愈有利鈔票嘅發行同使用;相信大家見到真鈔實物時,就唔會有咁嘅諗法,因為實物無論喺顏色深淺、形象都有一定差異,又話現代設計最優異嘅,就係唔同人睇完都有唔同感覺,透過公眾活動去理解呢張鈔票,最終會達到一致嘅諗法。對於500蚊大牛畀人話似世界末日,佢話海浪、礁石係特有嘅地貌,可以?西貢搵到嘅風景,鈔票嘅視覺效果可以畀人更多嘅想像空間。

金管局噚日開始設巡迴展覽,會係港九各區展出新版鈔票向市民解釋其防偽特徵等,同時推出咗個App 「2018尋鈔記」,入面有遊戲畀市民認識新鈔,參加嘅市民仲有機會贏到限量版「收銀車」模型,或者2018鈔票系列特別解構版紀念品。

更多港聞
搶楊德強飯碗?  李慧詩想做體育專員
【明報專訊】「牛下女車神」李慧詩(Sarah)一直關心香港本地嘅體育發展,佢形容體育係一個城市嘅「心身靈融合」。如果有機會可以揀一份政府工,... 詳情
黨籍解凍有望?  白鴿專頁貼許智峯
【明報專訊】民主黨立法會議員許智峯年初時因為喺立法會大樓內搶走保安局女職員嘅手機,畀民主黨凍結會籍,暫時唔可以代表該黨表達意見。不過,噚日民... 詳情
話七成人願多認識解放軍  青年民建聯倡讓港人自願參軍
【明報專訊】民建聯過去不時建議希望中央畀港人自願參軍,噚日青年民建聯就公布一個有關市民對國情與「八一建軍節」睇法嘅調查,結果顯示逾七成受訪者... 詳情
【明報專訊】全國人大代表、政制及內地事務前局長譚志源(Raymond)去年7月離開官場,10月就加入前上司南豐集團主席梁錦松創辦嘅新風天域集... 詳情
【明報專訊】唔少市民可以話係手機不離手,無論行街定搭車,都可以見到好多「低頭族」,到底手機入面有咩咁吸引?有機構做咗個調查,亦發現手機網購愈... 詳情

明報網站 · 版權所有 · 不得轉載
Copyright © 2018 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Toronto Chinese Newspaper

1355 Huntingwood Drive, Scarborough, Ontario, Canada M1S 3J1 | Tel.: (416) 321-0088 | Fax: (416) 321-9663 | Advertising Hotline Tel: (416) 673-8250