【明報專訊】天命難違！譚俊彥在內地發展順利，前年突然回流返港簽約無�芋A全因他上有高堂、下有妻兒，想做個負責任的男人。他加盟無�阱Y炮之作就做皇帝，飾演弒父奪位的嘉慶帝，與現實中孝順的他南轅北轍，但接拍《天命》令他覺得是天意，既能盡展演技，兼證明自己的成功靠苦幹，而不是靠父幹。

記者﹕鍾一虹

攝影﹕劉永銳

譚俊彥(Shaun)繼承爸爸狄龍和媽媽陶敏明的衣缽當演員，2001拍攝電影《慌心假期》正式出道，在過去的17年之間，更跑勻中、港、台和新加坡影視兩棲發展，直到2015年與內地女演員任祉妍結婚，同年任祉妍為他誕下女兒譚晴，他才決意將事業基地搬返香港，爭取與家人的相處時間，他說﹕「我睇到吳彥祖為了陪爸爸返美國發展，好感動又佩服，我覺得跟他好相似，由細到大都不愛蒲、木木獨獨，到我個大女在15年出世時，我停工10個月，當時開始想留港陪小孩成長、陪父母，畢竟父母年紀老了，於是便開始寫劇本，打算做導演，碰巧無�辰盲h樂易玲和曾勵珍都致電給我，問我想不想返來拍劇。可能她們需要新血，剛好我又想轉變，這是緣分來的。」

不會放棄電影

走在人生交叉點，譚俊彥經過跟太太商議後，便拿定主意加入無�芋A暫且擱置執導拍戲的念頭，「我都就快40歲了，明白要�咧丹漺N要做『親生仔』，簽約幾年就耷低頭做啦。我記得之前好多人問我點解返來，我話未試過打山頭，就即管試一試，雖然見到同期起步的人已發展得好好，自己有少少心�U，不過我不會放棄電影的，只是做住演員先。」

證明「我係得�鵅v

外間有指譚俊彥能晉身為無�角p生，是因爸爸狄龍的關係？譚俊彥坦言對這些閒言感到不開心，他說﹕「阿爸真的有幫我穿針引線就好啦！他不是電影老闆向華強、黃百鳴或者電視台高層，他只是一個演員，別人點解要畀面佢呢？而且，這些閒言講得太耐，現在仲講，悶不悶？我覺得悶囉。拍到這部劇是天意，嘉慶帝想證明畀人睇『我係得�鵅I』夾起來好適合我做，自己內心都有共鳴，也將這份情感拿出來演。」

譚俊彥憶述初返無�邑}工，人生路不熟，好多人向他投以奇異目光，又傳來閒言閒語，所以心理壓力好大，他說﹕「有些人會以為我份約一早傾好拍《包青天》，其實我什麼都沒有，簽約時好似試工，講明人工只得那麼多，等遲些會好一點。別人望住我的眼光，好似覺得呢個人點解返來、可以做主角、識唔識喊、背唔背到對白？我每日開工都有壓力，好似考試，好彩識到第一個朋友戴耀明，他幫我好多，話我知應該如何做；返到屋企又要背劇本，不認識的字要查字典，有時太累，攬住劇本睡�茪F。老婆是學院派，她都幫我好多，幫我分析角色情緒及如何演繹，幸好現在拍第4部劇，大家認識我多了，有些奇異眼光已消失。」

投入角色難抽離

他自認對演戲好癲狂，扮嘉慶帝拍弒父場面，情緒崩潰失控，額頭撞地致腫脹，收工開車回家仍在哭；之後拍《特技人》又當了自己是特技人，開車衝落山傷了手，需要縫20幾針；最近又因拍《十八年後的殺人告白》變得沉鬱；演《包青天》難以抽離，收工後經常要老婆以一句『你好返來啦』召喚回魂。譚俊彥說﹕「現在生了一女一仔，兼顧工作和家庭辛苦好多，時間上都不知顧得哪個好，又要攬阿媽、老婆和女兒，分配不到時間給細仔，我仍在尋找節奏，希望細仔長大跟我同一伙會比較好。」

人工全交給老婆

由於子女年紀還很小，譚俊彥主張老婆以家庭為先，自己則負責擔起頭家，「以前掙到錢，買車、表、相機、衫褲鞋襪，後來無錢要賣表交租，現在就學識儲錢，更絕的方法就是搵幾多錢都交晒給老婆管數，自己不用煩。」

談到第一部劇已擔正，對收視可有壓力？譚俊彥說﹕「這個真是睇天命！起碼拍完港劇大家睇到我，以前拍內地劇雖然掙到錢，但香港觀眾睇唔到。」

■更多娛樂猛料 ﹕ol.mingpao.com