前保安局長 黎棟國做新民黨顧問
[2018.07.17] 發表
【明報專訊】新民黨主席葉劉淑儀做過保安局長，做咗議員亦不時為紀律部隊發聲，紀律部隊可以話係佢嘅重要票源，噚日新民黨宣布委任新顧問，包括前保安局長黎棟國、前消防處長林振敏同陳建強醫生。唔知兩個紀律部隊前首長加盟做顧問，會唔會令新民黨喺選舉吸到更多票呢？
葉太話，非常歡迎及感謝3人成為新民黨顧問，為新民黨未來發展提供專業、獨立意見，佢形容黎棟國同林振敏都係政府紀律部隊部門前首長，擁有領導才能，喺政府工作期間帶領所屬政府部門解決唔少難題，認為兩人加入可為該黨提供實用確切嘅專業意見。
至於本身係牙齒嘅香港專業人士協會會長陳建強，葉太形容佢擔任多個獨立委員會要職，有助加強新民黨同醫療及專業人士嘅聯繫。
更多港聞
相關新聞
