英格蘭大炒巴拿馬 民記暫洗燈神名號
[2018.06.25] 發表
【明報專訊】民建聯終於打破「燈神」嘅魔咒，唔少民記議員力捧嘅英格蘭，噚晚就以6比1大炒巴拿馬。民建聯張國鈞噚日下晝就出帖撐英格蘭，仲講到明「燈神唔怕做」，並搵埋港超聯冠忠南區前鋒夏志明(子彈)一齊拍片，子彈除咗曬球技，二人仲呼籲大家睇波唔好賭波。張國鈞喺片中亦有示範控球，但畀子彈笑佢係咪喺議事廳坐得太耐，搞到球技生疏咗。
張國鈞改sell唔好賭波
民建聯議員最近陸續表態撐邊隊，好似梁志祥、鄭泳舜、陳恒鑌同柯創盛撐阿根廷，陳克勤同葛珮帆就撐德國，但兩隊強隊日前都出師不利，引起網民熱烈討論，唔少人形容民建聯係「燈神」，怕佢哋燈死晒自己嘅愛隊。不過，德國隊噚日喺補時入球，以2比1反勝瑞典，即時保住分組賽出線機會。
更多港聞
九成基層家長稱難助子女英文 社協倡設6000元「課後學習券」支援
【明報專訊】全港現時有約四分之一兒童生活在貧窮線下，家長亦可能因忙於工作或教育程度不足而未必能指導子女。社區組織協會調查顯示，受訪學童的英文... 詳情
失意DSE 鍾情寫程式 IVE生開發車牌識別系統
【明報專訊】現時不少露天停車場仍依靠人手記錄車輛進出。4年前中學文憑試（DSE）未能考獲5科及格的利冠鋒，放榜後選修資訊科技相關的基礎課程文... 詳情
相關新聞
