龍舟嘉年華搞作 中環海濱設人造沙灘
[2018.06.13] 發表
【明報專訊】中環海濱有唔少公共活動空間，下星期仲會增設兩個籃球場咁大嘅人造沙灘。
下星期就係端午節，旅發局同中國香港龍舟總會下星期五至日，一連三日喺中環海濱舉行「香港龍舟嘉年華」，為咗畀市民玩得開心，大會運咗200噸幼沙設人造沙灘(圖)，仲會提供太陽傘、沙灘椅、巨型水泡等，市民可以免費使用，到時仲會有14架美食車齊齊做生意。
嘉年華會當然唔少得龍舟競渡，今年嘅國際龍舟邀請賽將有共15個國家和地區、160支隊伍、超過4500名健兒參與，仲新增咗「大灣區盃」，大灣區內9個城市包括深圳、珠海、廣州等，加埋香港同澳門，共有11支代表隊伍出賽。由消防員及救護員組成嘅西區龍體育會將代表香港出戰「大灣區盃」，體育會主席李睿彰話，已為備戰加操，好有信心「攞硬冠軍」。
更多港聞
【明報專訊】禁毒常務委員會昨公布本港今年首季吸毒人數為2209，較去年同期2357下降6%，21歲以下吸毒人數亦下降29%。首次被呈報的吸毒...
詳情
相關新聞
