【明報專訊】噚日落大雨仲掛緊3號波，有人見到一隻可憐嘅小狗喺沙田娛樂城附近跳咗上巴士，但係車長帶番佢落車，搞到大批網友發起要到場尋狗，好彩愛護動物協會接走佢，等佢可以同主人人狗團圓。

網友噚日朝早喺facebook專頁「沙田友」上載隻狗仔嘅相，講咗佢跳上巴士兼被帶走嘅經歷，最慘嗰時仲掛緊3號風球，啲網友驚佢大風大雨下仲?馬路走嚟走去有危險，呼籲狗主要盡快搵番佢。有愛狗之人見到咁，自發去娛樂城附近尋狗，又向九巴站頭詢問情况，但未見狗蹤，真係擔心死Emily。

好彩咁啱得咁橋，有人喺另一個facebook專頁「馬鞍山之友」發帖，報稱噚日中午12點左右，喺沙田威爾斯醫院眼科專科中心發現一隻狗避雨，佢嘅顏色花紋同「沙田友」專頁所描述嘅相似。院方保安致電愛護動物協會，協會派人帶走狗仔，聽聞主人最終接番佢，大團圓結局。