【明報專訊】鍾意踩單車嘅朋友仔留意喇！由路勁地產主辦嘅路勁慈善單車錦標賽今年11月11日會喺元朗錦田舉行。賽事總監陳冠英話，第一次用錦田繞道做專業單車賽道，當中有唔少暗上暗落位，對參賽者嘅技術有一定挑戰，轉彎位比市區賽道少，大直路比較多，對體能同技術要求更高。佢話，今次賽制都好有特色，有12組專業賽事，包括兩組隊制計時賽、6組分程賽、2組精英賽及2組企業賽。 賽事設有家庭組、學生組、醒目仔組，係香港首次可以畀單車素人感受喺公路比賽風馳電掣嘅感覺。根據官網資料顯示，唔同組別嘅賽事距離有唔同，由約100米至19.2公里不等。 陳冠英個，多個單車賽車隊都會參賽，仲有一班前港隊運動員組成「奧夢成真」隊，跨運動界別挑戰今次賽事。參賽名額2000人，先到先得，額滿即止，賽事報名費會捐畀健康快車，路勁地產會配對捐款，等捐款可以倍增。欲了解詳情可瀏覽：www.rkcycling.com
|
| |
| |
;){kind=small}
;)
