袁世凱祭天照片 圖說寫「稱帝」 DSE中史卷資料惹出錯疑雲

根據唔同歷史書記載，相中袁世凱（左二）當時喺天壇祭天，係稱帝前奏。呢張相出現喺今年文憑試中史科試卷入面，而圖說為「袁世凱稱帝」，惹嚟出錯疑雲。（2018年文憑試中史科卷一）

【明報專訊】中學文憑試(DSE)中國歷史科上周四(19日)已考完，但事後有話題。有人質疑其中一條問及民國初年軍閥割據嘅題目配相出錯，事關張相係袁世凱去天壇「祭天」時所攝，但試題圖片說明就話係「袁世凱稱帝」。考評局就解畫，話袁世凱祭天都係稱帝嘅活動，照片標題符合史實。

張相出現喺DSE中史科卷一必答題第6題嘅資料二，叫學生分析民國初年軍閥割據嘅背景。張相拍下袁世凱1916年正式恢復帝制前，喺1915年12月去天壇祭天嘅情景，而袁世凱其人其事係中國近代史必學課題，相信唔少學生都會對呢張相有印象。但考評局以「袁世凱稱帝」形容有關相片，畀網民質疑用錯資料相，有網民甚至話「若學生知道此圖之真像(象)(祭天)，那學生怎能分析同軍閥割據的關係？若學生不知真相而認定是稱帝圖，反而可以正確作答」。

考評局：符合史實不影響作答

考評局就話，歷史著作同埋畫冊講袁世凱稱帝活動時多用呢張圖片佐證，而袁世凱祭天係其稱帝活動嘅講法，亦見諸一眾教科書，符合考生一般認知。局方話照片標題符合史實，考生作答唔會受影響。

資深中史科教師陳志華就話，除咗張相之外，條題目都出得唔好，因試題內不論袁世凱張相定係其他人物相片，有冇提供其實都冇分別，「唔使睇張相都答到(民國初年軍閥割據背景)，都唔係考學生利用資料相答題」。

更多港聞

美利大廈改建酒店 保留「格格」美

【明報專訊】本港大型基建相繼落成，例如港珠澳大橋同高鐵，但係發展局長黃偉綸最近幾星期發表嘅網誌，都係圍繞歷史建築，噚日佢發表嘅網誌就講到有近... 詳情

羅致光細個愛刨馬經 贏過馬評人

【明報專訊】勞工及福利局長羅致光原來讀書時愛刨馬經，但就話自己唔係賭錢，而係好奇馬經數據，仲同專業馬評人「較技」。佢話「每次賽馬前都會貼兩隻... 詳情

7月起試驗 4圖書館假日開至晚上8點

【明報專訊】書中自有黃金屋，為配合「4‧23世界閱讀日」，康文署推出一系列活動，其中香港公共圖書館噚日舉行「閱讀約章」簽署儀式暨創作比賽頒獎... 詳情

收膠著上身 籲市民走塑

【明報專訊】為響應世界地球日（4月22日），綠色和平噚日喺灣仔利東街舉辦「地球日‧夠鐘走塑」活動，包括蜜蠟保鮮膜製作、有機麻繩網袋編織等工作... 詳情

中小學生自評 近四成不幸福 愈高年級高評分愈少

【明報專訊】本港青少年的精神健康在近年愈受關注，有機構以問卷民調，訪問逾3000名小五至中四學生，發現愈高年級的受訪學生，在整體幸福感（0至... 詳情