【明報專訊】政府擬放寬傳統媒體跨媒體擁有權限制，本月20日起展開為期3個月嘅第一階段公眾諮詢，商務及經濟發展局常任秘書長(通訊及創意產業)利敏貞日前喺記者會上，穿上富中國味道嘅服裝出席記者會，十分搶鏡並引來網上熱議。商經局長邱騰華噚日出席鄉議局新春團拜時，就向Emily大讚利敏貞著華服恰如其分，因為利敏貞嘅工作都要負責創意產業，認為佢好有「fashion sense(潮流觸覺)」，「有selling point(賣點)之餘，講嘢又有point」，力撐下屬。 副商經局長陳百里都話利敏貞嘅衣著係好嘅「fashion」，係中國文化其中一種。佢又力銷，香港都有本地設計師製作呢啲中國傳統服飾，例如旗袍，並喺傳統中加入新潮元素，呼籲大家多支持本地設計師！ 「工作以外」 利拒談靚衫邊度買 唔少網民都好關注利常秘當日套衫喺邊度買，Emily向商經局了解過，利常秘噚日回覆：「工作以外的問題，容許我不作評論。(噚日)大年初七，順祝大家身體健康，生活愉快。」
|
| |
| |
;){kind=small}
;)
